Одоогоос нэг жарны өмнө буюу 1959 онд тахийн анхны "Удмын бичиг хэвлэгдэх үед манай дэлхий дээр ердөө бүртгэлтэй бодгаль 59 үлдэж хоцорсон байжээ. Дэлхийн сүүлчийн зэрлэг адууны хувь заяаг эмгэнэлтэйгээр төгсгөхгүйн тулд сайн санаат хүмүүс олон ажлыг санаачлан хэрэгжүүлснээр өдгөө манай дэлхийд 3000 орчим бодгаль таван тивээр тархан амьдарч байна. Түүний гуравны нэг нь монгол нутагт бэлчээрлэж, уугуул эх говь нутгийнхаа чимэг болох болжээ.