2022 оны 06 дугаар сарын 19-ны өдөр Их газрын чулууны ууланд Хустайн байгалийн цогцолборт газраас 50 тооны монгол тарвага авчирч нутагшууллаа. Тарвага сэргээн нутагшуулснаар экосистемийн тэнцвэрт байдлыг хадгалах, хөрсний доройтол, цөлжилтийг сааруулах  хөрсний агаарын солилцоог хангаж, ургамалжилт болон ургамал нөхөн сэргэхэд чухал ач холбогдолтой. Их газрын чулууны байгалийн цогцолборт газарт 2019 оны 6 дугаар сард монгол тарвага сэргээн нутагшуулж байсан бөгөөд тухайн үед нутагшуулсан цөөхөн тарвага маань байгаль хамгаалагчдын тогтмол эргүүл, хяналт, хамгаалалтын үр дүнд амар тайван өсч үржиж байна.